Купуваш нов, го продаваш „како нов“:Кои модели „Лада“ најмногу му се исплаќаат на првиот сопственик?

Експертите на аналитичката агенција „Автостат“ ги споредија автомобилите Lada и ги издвоија моделите кои најмногу му се исплаќаат на првиот сопственик при продажба. Составија ранг-листа според само еден параметар: кој модел најмалку ќе изгуби на цена во текот на три години користење.

На крајот на првиот квартал на 2020 година првото место го зазедоа караванот Lada Largus и теренецот Lada 4х4. Тие три години по купувањето изгубија само 14% од првобитната цена.

На второто место се Lada Priora и Lada Granta (со механички менувач). Сопствениците на „Приора“ за три години изгубија 15,3%, а на „Гранта“  16,2% од првобитната цена. Во првата петорка се најде и моделот Lada Largus Cross, кој по три години користење задржа 83,6% од својата првобитна вредност.

Седанот Lada Vesta не е меѓу првите пет, затоа што верзијата со мотор 1,6 л и механички менувач по три години чини 81,2%, што значи дека „Веста“ за тоа време изгубила 18,8% од цената на нов автомобил. Ако се земат предвид тековните цени, овој модел до 2023 година ќе биде поевтин за нешто повеќе од 120000 рубли.

При користење на материјалите на Russia Beyond задолжителен е хиперлинк до изворот од кој е преземен материјалот.