Стејт департмент: Со „Северен тек 2“ Русија може да ја уништи Украина

Гасоводот „Северен тек 2“ не е комерцијален проект, неговата цел би можела да биде притисок на руската страна врз Украина, смета специјалниот пратеник и координатор за енергетика на Стејт департментот Амос Хохстaјн.

„Украина има приход од над две милијарди долара од транзит. Опасноста која ѝ се заканува ако остане без тие приходи личи на обид за притисок в моментот кога нејзината економија е ослабена. Не знам како ќе го преживеат тоа“, изјави Хохстајн.

Тој исто така изјави дека „не се согласува со тоа дека „Северен тек 2“ е комерцијален проект“.

Според неговите зборови, „комерцијалната добивка од изградбата на новиот гасовод за 12 милијарди долари при постојна инфраструктура и ниски цени на гасот во денешно време е сомнителна“.

Покрај тоа, според Хохстајн, „гасоводот преку Украина работи и работеше добро“.

Според процените на Хохстајн, пуштањето во работа на „Северен тек 2“ ќе ѝ овозможи на Русија заштеда од 2 милијарди долари годишно, така што на тој начин проектот за шест година ќе се исплати. Тоа доволно ја докажува неговата економска ефикасност, пишува „Взгљад“.

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња