Медиуми: Путин засекогаш се збогува со Ердоган

03 декември 2015

Руска реч на македонски

Во своето обраќање до Федералното собрание на РФ Владимир Путин ја искористи можноста да му даде до знаење на целиот свет дека Реџеп Таип Ердоган ја преминал „црвената линија“ и дека пријателството со него е завршено, смета „Дојче Веле“.

„Дојче Веле“ напоменува дека односите меѓу двајцата претседатели пред соборувањето на рускиот Су-24 беа повеќе од добри. Така, само неколку недели пред инцидентот Путин и Ердоган во Москва присуствуваа на отворањето на најголемата руска џамија.

Освен тоа, германските медиуми пишуваат дека Путин во своите поранешни изјави редовно ги фалеше одличните билатерални односи меѓу Русија и Турција, нагласувајќи дека нивното ниво постојано расне, од година на година.

Во денешното експозе Путин уште еднаш ја обвини Турција за предавство, изјавувајќи дека „Алах, очигледно, ѝ го одзеде паметот на владејачката турска врхушка“.

Во превод на руски тоа значи дека тој засекогаш се збогува со Ердоган, заклучува германскиот медиум.

Сите права ги задржува „Росијскаја Газета“.

русија и турција Накратко