Вулканот Шивелуч на Камчатка исфрли пепел 9 километри во висина

Ова го соопшти прес-службата на Главната управа на Министерството за вонредни состојби на Русија за Камчатскиот крај, повикувајќи се на Камчатската група за реакција во случај на ерупција на вулкан.

„На 2 октомври 2019 година на вулканот Шивелуч е забележано исфрлање на пепел. Пепелта достигна висина од 9 километри“, се наведува во соопштението.

Поради правецот на дување на ветрот, пепелта се ширеше југоисточно од вулканот.

Не е забележано паѓање на пепелта во населбите во регионот. Не е исклучена можноста за пад на незначителна количина пепел во населбите на Уст-Камчатскиот реон.

Вулканот доби портокалова ознака на опасност за авијацијата.

Вулканот Шивелуч е најсеверниот активен вулкан на Камчатка и еден од најголемите. Дијаметарот на неговата основа достигнува 1300 километри, а неговата висина е 3283 метри.

Еве како изгледаше светлечкиот поток од кал (лахар) од вулканот Шивелуч во октомври 2013 година:

Marc Szeglat / picture alliance/Global Look Press

Погледнете повеќе: Седум нешта кои им го одземаат здивот на туристите во Камчатка

При користење на материјалите на Russia Beyond задолжителен е хиперлинк до изворот од кој е преземен материјалот.