Не пропуштајте!
Придружете се на Russia Beyond на Телеграм за повеќе есклузивни содржини
Во руските домови мачките се двојно побројни од кучињата. Повеќе од половината руски мачки се скитници или мешани раси, а меѓу мачките со педигре најпопуларни се британските (11%), шкотските (8%), Мејн Кун (3%) и сибирските (3%). Веројатно поради мешаната природа на многу мачки, тие се нарекуваат со „едноставни“ имиња изведени од човечките.
Исто така, често можете да слушнете како Русите ги нарекуваат мачките на улица „Мурка“ - тоа е од глаголот „преде“, што буквално значи „некој што преде“ - но руските сопственици на мачки смислуваат други имиња за своите мачји пријатели. Следуваат најпопуларните, според анкетите.
Ова име и другите имиња на домашните миленици потекнуваат од името Марија - Марусја, Маша, Машка, Масјана. Сите овие се женски имиња, но исто така тоа е и најчестото име за мачки во Русија. Од името Марусија често се формираат и имињата Мусја и Масја и многу Руси ги поврзуваат исклучиво со имиња за мачки.
Васја или Васка е главното име за мачка без педигре во Русија, изведено од човечкото име Василиј. Генерално се поврзува со нешто едноставно, разбирливо и многу, многу руско. Но, женската форма на името Василиса, напротив, почесто им се дава на мачки со „благородно“ потекло или барем со „кралски“ карактер (како Мејн Кун!).
Ова е веројатно најпопуларното име за мачки во Русија, преземено од литературата. Багира е пантерот од „Книгата за џунглата“ на Радјард Киплинг, преведена на руски во 1905 година. Значи, сега Русите често ги нарекуваат црните мачки Багира.
Русија е дом на неверојатно убава дива мачка, снежниот леопард, кој тие го нарекуваат ирбис или барс. Оваа мачка се карактеризира со долга опашка, која ја користи како кормило кога маневрира во планините. Така се родило името Барсик, машки прекар за домашните мачки.
Сивите мачки во Русија често се нарекуваат Димок, што значи „чад“. Женската верзија на ова име е Димка.
Не изненадува што лисестите мачки често се нарекуваат Рижик, како што ги нарекуваат црвенокосите луѓе.
Машкото име на мачка Кузја потекнува од старото руско име Кузма. Интересно е што во Русија постои неверојатно популарна бајка за домовојот (домашен дух) Кузја, чуварот на куќниот комфор.
Алиса е женско име за некои мачки со педигре. Ова име стана популарно во Русија не само благодарение на „Алиса во земјата на чудата“ на Луис Керол, туку и како главен лик во приказните на писателот на научна фантастика Кир Буличов, како и Алиса Лисицата од приказната на Алексеј Толстој за Буратино (Пинокио). Во последниве години, ова име често им се дава и на девојчињата.
Ако видите бела мачка во Русија, нејзиното име најверојатно ќе биде Снежок или Снежинка, во зависност од полот. Снежок во превод значи снежна топка, снежинка е снегулка.
Семјон или Сјома е популарно машко име. Во градот Мурманск има дури и споменик на Мачорот Семјон, кој се споредува со познатото куче Хачико. Во 1994 година, локалните медиуми пишуваа за мачор кој мештаните го зеле со себе на одмор во Москва и случајно го изгубиле, а тој за чудо успеал да стигне до својот дом во Мурманск (2.000 км!) шест години подоцна!
При користење на материјалите на Russia Beyond задолжителен е хиперлинк до изворот од кој е преземен материјалот.
Претплатете се
на нашиот билтен!
Добивајте ги најдобрите стории на неделата директно во вашето сандаче