„АвтоВАЗ“ се откажа од испорака на Lada XRay во Европа

Кросоверот Lada Xray нема да се испорачува на европскиот пазар, соопшти агенцијата за аналитика „Автостат“ повикувајќи се на потпретседателот за продажба и маркетинг на „АвтоВАЗ“ Јан Птачек.

Кросоверот Lada Xray нема да се испорачува на европскиот пазар, затоа што „АвтоВАЗ“ ќе се фокусира на продажба на моделите Vesta – следниве недели ќе почне продажбата на седанот во Германија.

„Веќе ги испраќаме првите возила таму и сега сме во процес на организација на настани во Хамбург“, истакна Птачек, пренесува „Лента.ру“.

Притоа главни пазари за извоз остануваат земјите од ЗНД. „Затоа со цел зголемување на извозот, треба да се фокусираме на нив: овде за брендот Lada се најголемите можности“, потенцира Птачек.

На 17 јануари беше соопштено дека продажбата на Lada Granta во Германија порасна за три пати – беа продадени 569 автомобили. Притоа продажбата на автомобили од марката Lada на германскиот пазар во целина порасна за 43%, на 1686 автомобили.

 

При користење на материјалите на Russia Beyond задолжителен е хиперлинк до изворот од кој е преземен материјалот.