Сириската армија во целост го стави Алепо под своја контрола

„Операцијата на сириската армија за ослободување на источните квартови на Алепо под контрола на милитантите е завршена. Сириските владини сили ги ликвидираат поединечните жаришта на отпор на радикалите“, исто така соопшти рускиот Центар за помирување на завојуваните страни, пренесува „Взгљад“.

Претходно беше соопштено дека операцијата за повлекување на милитантите и членовите на нивните семејства од источните реони на Алепо е завршена.

Пет илјади милитанти се повлекуваат од Алепо

Претходно евакуацијата на милитантите и нивните семејства беше запирана поради прекршување на договорот од страна на терористите.

Првите 24 часа од операцијата за повлекување на милитантите, источно Алепо го напуштија девет колони со возила, 6462 лица, од кои 3 илјади беа милитанти.

Во четвртокот, согласно постигнатиот договор, почна повлекувањето на милитантите од Алепо на територија под контрола на опозицијата. Повлекувањето го реализира рускиот Центар за помирување во соработка со сириските власти по налог на претседателот на Русија Владимир Путин.

Сите права ги задржува „Росијскаја Газета“.