ФСБ приведе група што подготвувала напади во Москва и Петербург

ФСБ приведе 10 терористи кои планирале напади во Москва и Санкт Петербург, соопшти прес-службата на Федералната служба за безбедност на РФ.

Според информациите на безбедносните структури, терористичката група, која се состои од лица со потекло од Централна Азија, подготвувала серија терористички напади со употреба на автоматски пушки и експлозиви на места каде масовно се собираат луѓе.

Во текот на операцијата се одземени четири самоделни експлозивни направи, иницијални каписли, огнено оружје, муниција, како и средства за комуникација.

Операцијата е спроведена со поддршка на МВР Русија и во соработка со специјалните служби на Таџикистан и Киргизија.

Од ФСБ додадоа дека приведените веќе даваат изјави во кои признаваат дека имале контакти со лидерите на „Исламската држава“ на Блискиот Исток, а исто така ги признале своите цели и ги откриле помагачите како во Русија, така и во странство, пренесува РИА „Новости“.

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња