Шефот на британското разузнавање ја смета Русија за закана

Директорот на MI5 (Служба за контраразузнавање на Велика Британија) Ендрју Паркер смета дека Русија е растечка закана за стабилноста на Велика Британија.

Русија претставува растечка закана за стабилноста на Велика Британија и применува арсенал од современи средства за постигнување на своите цели. Вакво мислење искажа директорот на MI5 (Служба за контраразузнавање) Ендрју Паркер во интервју за весникот „Гардијан“.

„Русија користи цела низа државни органи за да ја промовира својата надворешна политика во странство со сѐ поагресивни методи, вклучувајќи пропаганда, шпионажа, диверзии и кибер-напади“, изјави Паркер. Според него, во целите на Москва спаѓаат воените тајни, индустриските проекти, економските информации, државната и надворешната политика.

Директорот на MI5 претпоставува дека „Русија сѐ повеќе се конфронтира со земјите од Западот“. Тој исто така истакнува дека РФ „беше скриена закана со децении“.

Сите права ги задржува „Росијскаја Газета“.