Захарова ја потсетува Украина на зависноста од САД

Портпаролот на МНР Русија Марија Захарова на Денот на независноста на Украина забележа дека е тешко да се зборува за суверенитет кога властите во Киев ги исполнуваат сите барања на Вашингтон.

„Доволно ќе биде само да ја цитирам веста што ја прочитав: потпретседателот на САД Џон Бајден бара од претседателот на Украина Петро Порошенко да го ослободи од должноста генералниот обвинител на земјата Виктор Шокин. Во спротивно се заканува дека ќе ја повлече позајмицата од една милијарда долари. Тоа ви е одговорот на прашањето дали и колку е Украина независна, суверена во вистинската смисла на зборот последниве 25 години“, изјави Захарова во студиото на руската телевизија „Лајф“.

Таа исто така додаде дека Џозеф Бајден постојано се јавува во Киев со вакви или онакви препораки и ја контролира власта во земјата.

„Знаеме дека господинот Бајден е на телефонска врска со Украина како со своја куќа, се јавува и по неколкупати неделно, наредува. И тоа се само разговори за кои официјално се соопштува. Можам сигурно да ви кажам дека поголемиот дел од разговорите останува во тајност. Со ситуацијата се управува рачно“, рече портпаролот на руското МНР.

Медиумите претходно пренесоа дека Петро Порошенко се согласил да го ослободи од должноста генералниот обвинител на Украина во замена за кредит од една милијарда долари.

 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња