Сеул: Системот THAAD нема да биде насочен против Русија и Кина

Американскиот противракетен систем THAAD во Јужна Кореја нема да биде насочен против трети земји, изјави во понеделникот јужнокорејскиот министер за надворешни работи Јун Бјунг-Се во врска со протестите на владите на Русија и Кина.

Како што пренесува агенцијата Рјонхап, Јун Бјунг-Се изјави дека плановите кои беа соопштени минатата недела за распоредување систем за пресретнување на ракети „не се насочени против Кина, Русија или други трети земји“.

u0420u0424 u043cu043eu0436u0435 u0434u0430 u0440u0430u0441u043fu043eu0440u0435u0434u0438 u0440u0430u043au0435u0442u0438 u043du0430 u0438u0441u0442u043eu043au043eu0442 u043au0430u043au043e u043eu0434u0433u043eu0432u043eu0440 u043du0430 u041fu0420u041e u0432u043e u041au043eu0440u0435u0458u0430

Говорејќи во парламентарниот комитет за надворешна политика и национално обединување, Јун Бјунг-Се објасни дека јужнокорејската „влада при првата можност им го разјасни ова на соседните земји“. „На пример, што се однесува до Кина и Русија, по објавувањето во февруари за можноста за распоредување на THAAD потенциравме дека поаѓаме од правото на самодобрана од севернокорејското нуклеарно вооружување и балистичките ракети кои секојдневно се зголемуваат“, изјави Јун-Бјунг-Се.

Сппред него, владата во Сеул и во иднина ќе ја брани потребата од системот THAAD.

На распоредувањето на системот реагираше официјална Москва.

„Таквите постапки, без оглед какво е нивното објаснување, имаат  многу негативно влијание на глобалната стратешка безбедност, за чие придржување толку често се дискутира од страна на Вашингтон“, изјави Министерството за надворешни работи на Русија на 8 јули. „Тие исто така можат да доведат до ескалација на тензиите во регионот, до нови проблеми за решавање на акутните проблеми на Корејскиот полуостров, вклучувајќи ја и задачата за негова денуклеаризација“.

Сите права ги задржува „Росијскаја Газета“.