МНР РФ со коментар за самитот на НАТО

НАТО ги игнорира негативните последици на забрзаната реализација на плановите за европскиот систем за противракетна одбрана, се наведува во коментарот на портпаролот на Министерството за надворешни работи на Русија Марија Захарова по повод исходот од самитот на НАТО во Варшава. Таа додаде дека претставниците на НАТО како да не сфаќаат на какви ризици е изложен целиот систем на евроатлантската безбедност.

u041du0410u0422u041e u043du0438 u043fu0440u0435u0434u043bu0430u0433u0430 u0432u0440u0430u045cu0430u045au0435 u0432u043e u043cu0438u043du0430u0442u043eu0442u043e

„Притоа и понатаму свесно се игнорираат  долгорочните негативни последици и ризици за целиот систем на евроатлантската безбедност кои настануваат како последица на намерните потези на Вашингтон и Брисел насочени кон промена на постојната рамнотежа во светот, вклучувајќи ја и забрзаната реализација на противракетните планови на САД/НАТО во Европа”, се наведува во документот што го пренесува „Взгљад”.

Захарова истакнува дека обидите за „демонизација“ на Русија „со цел да се оправдаат потезите во сферата на воената изградба и да се отргне вниманието од деструктивната улога на Алијансата и одделни нејзини сојузници во предизвикувањето кризи и одржувањето на жариштата на затегнатост во различни региони на светот“ попримаат „потполно хипертрофирани форми”.

Претходно на 23 јуни Захарова изјави дека, според мислењето на Москва, во прашањата за ПРО можат да бидат најдени решенија кои ги задоволуваат двете страни и ги земаат предвид интересите на безбедноста и на Русија, и на САД. 

Сите права ги задржува „Росијскаја Газета“.