Горбачов не ја отфрла од себе одговорноста за распадот на СССР

Последниот претседател на СССР Михаил Горбачов изјави дека не може да ја отфрли од себе одговорноста за распадот на Советскиот Сојуз, пренесува РИА „Новости“.

Во понеделникот во Московската школа за економија на МГУ се одржа презентација на книгата „Горбачов во животот“, а гостин беше поранешниот претседател на СССР. Тој разговараше со студентите и одговараше на нивните прашања.

„Не можам да ја отфрлам од себе одговорноста за ништо. Но како прво, кога би ги читале моите книги: на пример, има книга „СССР можеше да се зачува“, таму сѐ е наведено во детали, кој со што се занимаваше и што вложи во таа приказна – кои свои влогови“, одговори Горбачов на прашањето на еден од студентите за тоа дали се смета одговорен за распадот на СССР.

u0422u0440u0435u0432u043eu0433u0438u0442u0435 u043du0430 u0433u043bu043eu0431u0430u043bu043du0438u043eu0442 u0441u0432u0435u0442

Тој истакна дека двапати или трипати ја напуштал парламентарната комисија на чие чело бил самиот тој, „но по некое време доаѓаа ту Елцин со некого, ту уште некој: вратете се“.

„Велам: сносете ja вашата согласност. Ако сте за тоа Сојузот да се замени со некаква каша или некаква магла, тогаш јас сум против. Се трудев да го зачувам, но не успеав да го сторам тоа. Не можев да се справам со нив. Тие сакаат да се направат херои, но што направија тие херои, долго време ќе ни треба за да разбереме“, рече Горбачов.

„Не, мислам, еве за што сносам  (одговорност). Мене никој не ме тргна од работата, јас самиот си заминав, затоа што не можев да се справам со нив“, додаде тој.

Сите права ги задржува „Росијскаја Газета“.