Странските превозници ќе плаќаат двојно повеќе за превоз низ Русија

Владата на Русија го зголеми двојно износот на таксата за странските превозници кои вршат транспорт по патиштата во Русија – од 60 на 120 илјади рубли годишно, пишува во соопштението објавено на сајтот на владата.

Дневниот износ на таксата порасна од 385 на 850 рубли. Овие такси важат за товарни возила кои превезуваат товар од 3,5 до 12 тони.

1 u0430u043bu0442u0435u0440u043du0430u0442u0438u0432u0435u043d u0438 3 u043au0440u0438u0437u043du0438 u043fu043bu0430u043du0430 u0437u0430 u0440u0443u0441u043au0430u0442u0430 u043au0440u0438u0437u0430

Владата исто така го прошири списокот на држави кои треба да плаќаат такса. На листата се најдоа Латвија и Литванија. Во објаснувањето се вели дека тоа е одговорна мерка на дејствијата на балтичките земји.

Од 1 јули 2014 година странските превозници, вклучително и руските, се должни да им платат на латвиските власти од 8 до 11 евра дневно (484 до 925 евра годишно) во зависност од бројот на оски и нивото на издувни гасови од моторот на транспортното средство. Во Литванија таквите правила почнаа да важат од декември 2015 година. Во таквите случаи руското законодавство предвидува воведување симетрични мерки, истакнуваат од руската влада.

Исто така, владата на РФ смета дека новите правила ќе овозможат зголемување на приходите на Федералниот фонд за патишта, пренесува РИА „Новости“.

Сите права ги задржува „Росијскаја Газета“.