Руските наркомани секојдневно трошат 4,5 милијарди рубљи за наркотици, што вкупно годишно ја дава сумата од 1,5 милијарди рубљи. Таа сума е за 50% поголема од годишниот буџет на Министерството за одбрана, изјави директорот на Федералната служба за борба против наркотици (ФСКН), Виктор Иванов, а пренесува РИА „Новости“.
Како што изјави Иванов, тие средства се земаат од економски активното население, и со тоа се намалува економската побарувачка на корисни производи и услуги. Од друга страна, наркоманите ги реинвестираат тие средства во нарко-криминалот.
„На тој начин наркоманите се еден вид финансиска апликација за преземање средства од активниот и нивно префрлање во криминалната економија“, објасни Иванов.
Во Русија има 2 до 2,5 милиони зависници од дрога. Според статистиката, околу 90% од руските наркомани употребуваат хероин од Авганистан. Низ Русија поминува т.н. „северен пат“, преку кој наркотиците од Авганистан се транспортираат во Западна Европа.
Сите права ги задржува „Росијскаја Газета“.