Американски медиуми: Медиумите во САД не се способни достојно да му одговорат на Путин

Колумнистот на американското издание го забележува фактот дека американските медиуми веќе заглавиле во антируската пропаганда.

Разгледувајќи ги статиите на водечките американски весници за говорот на претседателот на Русија, Владимир Путин на форумот „Валдај“, колумнистот од весникот Consortiumnews, Роберт Пери дојде во заклучок дека повеќето материјали „крајно пристрасно“ известуваат, со многу „презир и непријателство“. А нивните автори, наместо одговор на критиката, даваат неосновани обвинувања во адреса на претседателот на руската држава, пренесува RT.

Фактот дека Путин е во право, на пример, за TheNewYorkTimes е „практично невозможен“, забележува колумнистот на Consortiumnews. Наместо тоа, весникот пишува дека рускиот претседател „истапил со најсилна критика кон САД во последно време“ и сакал да „ја наметне гледната точка на Москва за тоа дека американското вмешување создало многу проблеми во неодамнешните светски кризи“.

Меѓутоа, според Пери, пореалистичното гледање на светските кризи веднаш би покажало дека Путин е во право и за поддршката која Вашингтон ја дава на фундаменталистите на Блискиот Исток, како и на неонацистите во Украина.

Според неговото мислење, TheNewYorkTimes и другите водечки американски медиуми до толку заглавиле во својата пропаганда, што не можат повеќе да се извлечат од неа. „Рационализмот и реализмот, како што се гледа, немаат веќе место во работата на водечките американски медиуми“, заклучи тој. 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња