Министерството за внатрешни работи на Украина ја обвини Русија за вооружена интервенција

Министерот за внатрешни работи на Украина, Арсен Аваков, ја обвини Русија за вооружена интервенција и окупација на Крим. Аваков тоа го напиша на својата страница на Фејсбук. „Ова е директна провокација за вооружено крвопролевање на територијата на суверена држава“, изјави Аваков.

Според зборовите на Аваков, ноќта меѓу 27 и 28 февруари, војници од Руската Федерација со автоматско оружје дошле на аеродромите во Севастопол и Симферопол. Аеродромот во Севастопол бил блокиран од војниците на Воената морнарица на Русија. На двата аеродрома, освен војниците на Руската Федерација, се наоѓаат и припадници на Министерствата за внатрешни работи на Украина, но меѓу нив нема засега никакви судири, ниту е применето оружје. Аваков додаде дека војниците на Руската Федерација одбиваат да стапат во преговори со украинската страна, изјавувајќи дека за тоа не се овластени. 

Сите права ги задржува „Росијскаја Газета“.