Не пропуштајте!
Придружете се на Russia Beyond на Телеграм за повеќе есклузивни содржини
Овој чамец, наречен „Фортуна“, е единствениот цел брод од првата флота на Петар Велики, која била базирана на Плешчеевското езеро во Русија кога царот бил млад и ја тренирал својата „момчешка војска“.
Чамецот има пет пара весла и место за држење на јарболот. Условите во кои се чувал и во кои се грижеле за него сугерираат дека е изработен од Петар, кој рано, уште во детството, ги научил основите на бродоградбата. Во музејот во Санкт Петербург е зачувана и недовршена макета на бродот што ја изработил Петар, која исто така сведочи за неговата вештина.
Во 1720 година, при посетата на металопреработувачката фабрика во Петрозаводск, Петар се пробал и како ковач. Ова парче железо го исекол од суровина и на него ставил печат.
Две години подоцна, во Рјазањската област, царот повторно работел во леарницата. Питер Милер, негов современик, се сеќава дека Петар со свои раце топел, ковал и влечел железо на ленти, а во еден од последните денови од својот престој, усовршувајќи ја својата работа, извлекол петнаесет фунти железо и ја обележал секоја лента со својот печат додека неговата благородна придружба и болјарите носеле јаглен, го ложеле огнот, го разгорувале со мевови и работеле други работи. Ова е една од тие ленти кои ги исковал Петар Велики, а која се чува во Државниот Ермитаж во Санкт Петербург.
Стругот бил меѓу првите странски машини кои младиот Петар ги нарачал од странство, учејќи разни занаети како дете во Москва. Подоцна, во Санкт Петербург, Петар направил стругарница веднаш до неговите одаи во палатата и многу често го гледале како поминува време во таа работилница, правејќи разни предмети.
Еден од нив бил лустер за 27 свеќи, на кој работел лично Петар. Неодамна беше реставриран во Државниот Ермитаж.
Музеите на Московскиот Кремљ ги чуваат чизмите кои наводно ги направил лично царот Петар.
Како искусен стругар, Петар умеел да прави и едноставен мебел. Овој стол, изложен во московскиот Државен музеј Коломенское, го направил токму тој.
Во својата стругарница Петар и неговите ученици креирале класични „школски” предмети, како овој дрвен пехар од карелиска бреза, со декорација од слонова коска.
При користење на материјалите на Russia Beyond задолжителен е хиперлинк до изворот од кој е преземен материјалот.
Претплатете се
на нашиот билтен!
Добивајте ги најдобрите стории на неделата директно во вашето сандаче
