Тврдењата за употреба на воени бродови за евакуација на Русите од Сирија се шпекулација

Руски дипломатски извори од Сирија ги отфрлаат шпекулациите дека воени бродови се користат за да се евакуираат Русите од Сирија.

Портпаролот на руското Министерство за надворешни работи, Александар Лукашевич ги отфрли информациите дека ќе се користат воени бродови за да се евакуираат руските државјани од Сирија, нарекувајќи ги медиумски шпекулации.

„Секако, нема да коментирам за бродовите и слично. Тоа е голема новинарска шпекулација. Многу новинари измешаа различни работи на едно место“, рече Лукашевич на средбата со новинарите во Москва.

„Тоа е чуствително прашање. Не можеме и нема да дискутираме детали од разбирливи причини. Но, секако дека имаме план. Состојбата станува покомплицирана. Мора да се биде подготвен да се одговори на сите можни сценарија“, рече тој.

Безбедноста на руските државјани е приоритет за Министерството за надворешни работи, додаде тој.

Сите права ги задржува „Росијскаја Газета“.