Американците прилично загрижени поради дострелот на новиот радар и ракетите на новиот „Панцир-СМ“

Како што неодамна објави интернет порталот 19FortyFive, модернизираниот радар со фазирана антена решетка што ќе биде интегриран на новиот „Панцир-СМ“ ќе ја зголеми зоната на детекција на респектабилни 75 километри.

Овој систем, паралелно со новиот радарско-набљудувачки комплекс, доби и нови ракети со ефективен дострел до 40 километри. Зголемена е и зоната кога станува збор за висината на пресретнувањето на целта, која сега достигнува 17 километри. Зголемена е и брзината на ракетата. Овие тактичко-технички способности му овозможуваат на новиот „Панцир“ да соборува цели кои се движат со брзина од речиси 3 Мах (3600 км/ч).

Особено загрижува фактот дека армиите што го поседуваат овој систем ќе можат да се борат против сите видови воздушно и копнено оружја, од суперсонични борбени авиони кои летаат на голема висина, па сé до артилериски ракети лансирани од повеќецевни ракетни фрлачи. За уништување импровизирани беспилотни летала „Панцир-СМ“ ќе користи ракети со помали димензии кои ќе бидат далеку поевтини за употреба.

Новиот радарско-набљудувачки систем ќе има далеку подобри способности за откривање на различни видови беспилотни летала на големи далечини. Ова ќе му обезбеди на „Панцир-СМ“ да води борба со поголем број ударни беспилотни летала во безбедни зони (надвор од дострелот на убојните средства што ги носат ударно-извидувачките беспилотни летала).

При користење на материјалите на Russia Beyond задолжителен е хиперлинк до изворот од кој е преземен материјалот.