Пристигаат Су-57: На југот на Русија реконструкција на аеродромската инфраструктура за нивен прием

Руски повеќенаменски борбен авион од петта генерација Су-57

Владимир Сергеев/Sputnik
Се очекува првите примероци на авионот од петта генерација да им бидат испорачани на „стелт“ ловечките ескадрили наредната година.

Аеродромската инфраструктура на Јужниот воен округ ќе биде специјално реконструирана за базирање на повеќенаменските борбени авиони од петта генерација Су-57, истакнуваат од информативната служба на Јужниот воен округ, пренесува агенцијата ТАСС.

Како што се вели во соопштението, во командата на Јужниот воен округ во Ростов на Дон е одржан состанок во кој учествуваше и командантот на здружените сили на Военото воздухопловство и Противвоздушната одбрана генерал Виктор Севастјанов.

„Генерал Виктор Севастјанов ги информираше сите присутни за активностите над реконструкцијата на аеродромската инфраструктура за базирање и експлоатација на авионите од петта генерација, како и за подобрување на огнените позиции каде дежураат противвоздушните ракетни системи со голем дострел С-400 „Триумф“ и топовско-ракетните системи „Панцир-С1“ кои се распоредени на разни локации на Крим, Ростовската област и Кубањ“, нагласуваат од информативната служба.

Се очекува дека до крајот на 2018 година во единиците кои ги сочинуваат здружените сили на ВВ и ПВО ќе влезат околу 80 единици најнова борбена техника. „Што се однесува конкретно до модернизираната борбена техника во единиците на Јужниот воен округ пристигнаа фронтовски бомбардери Су-24М, кои се опремени со современиот напаѓачко-навигациски комплекс СНП-24, што значително ја унапредува ефикасноста на гаѓањето на копнени цели и генерално командувањето со авијацијата“, ги пренесуваат од информативната служба зборовите на генерал Севастјанов.

Инаку, СНП-24 од обичните бомби прави супрепрецизни бомби. СВП-24 ги зема предвид брзината на летот и висината на која се наоѓа бомбардерот, брзината и правецот на ветрот, многу други фактори и го контролира движењето на бомбата право кон целта.

Кон крајот на август 2018 година Министерството за одбрана на Руската Федерација потпиша договор за набавка на два повеќенаменски борбени авиони Су-57, а се очекува првото сериско летало да ѝ биде предадено на руската армија следната, 2019 година.

Су-57 претставува повеќенаменски борбен авион од петта генерација направен врз база на технологија на радарска невидливост – стелт, со широка примена на композитни материјали. Овој авион е способен да лета со надзвучна крстосувачка брзина, без да влегува во режим на дополнително согорување. Опремен е со нов напаѓачко-навигациски комплекс, во таа смисла со моќен воздухопловен компјутер (во стручните кругови се нарекува како електронски втор пилот), по целата површина на леталото се наоѓаат радарски сензори, додека основното вооружување е распоредено во спремници во внатрешноста на авионот. Првата испорака на овие авиони за Воздушно-космичките сили е планирана за наредната – 2019 година.

Прочитајте повеќе: Почна тестирањето на револуционерниот комуникациски систем С-111 наменет за ловецот Су-57

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња