Медиум: Нафтените гиганти загрижени поради новите антируски санкции

Раководството на Ексон Мобил, Шеврон, Џенерал Електрик и низа други енергетски компании се загрижени поради предлог-законот за заострување на санкциите против Русија, затоа што тоа може да доведе до запирање на нафтените и гасни проекти со учество на руски партнери во целиот свет, пишува „Вол Стрит Џурнал“.

Лобистите на американските компании алармираат по повод некои одредби во предлог-законот, вклучувајќи ги и мерките за забрана на соработката со руски граѓани или компании кои потпаѓаат под санкциите, како и од можната обврска да се откриваат информации кои тие ги сметаат за затворени.

„Ова има далекусежни последици за низа компании и индустриски гранки. Тоа може да им нанесе штета на интересите на САД и да биде поволно за Русија“, смета извршниот директор на Американскиот институт за нафта Џек Џерард.

„Вол Стрит Џурнал“ претпоставува дека истапувањето на компаниите против новите санкции може да го отежне нивното усвојување.

Сенатот на САД на 15 јуни го усвои предлог-законот за нови санкции против Русија, но Конгресот на САД го запре разгледувањето на истиот, пишува „Взгљад“.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња