„Моето скапоцено“:Милијардер од САД бара Путин да му врати „грабнат“ прстен

Сопственикот на американскиот фудбалски клуб Њу Ингланд Пејтриотс (New England Patriots) Роберт Крафт се надева дека ќе си го врати победничкиот прстен од Супер Боул-от, кој пред повеќе од 10 години, според него, му го дал на Владимир Путин да го погледне, по што никогаш повеќе не го видел прстенот. Крафт се надева на помош од својот пријател Доналд Трамп, изјави бизнисменот за „Фокс Њуз“.

Сопственикот на тимот од американската фудбалска лига Њу Ингланд Пејтриотс Роберт Крафт изјави за „Фокс Њуз“ дека не губи надеж за враќање на победничкиот прстен од Супер Боул-от, кој претседателот на Русија Владимир Путин „му го земал“ уште во 2005 година. Бизнисменот се надева на помошта на својот пријател Доналд Трамп, кој сега е претседател на САД.

„Навистина  емотивно сумприврзан кон прстенот“, призна Роберт Крафт, кој, според него, пред повеќе од десет години му го дал на Путин да го проба прстенот во вредност од 25 илјади американски долари, по што никогаш повеќе не го видел накитот.

Како што раскажува Крафт, во 2005 година тој го извадил прстенот за му го покаже на Путин. Рускиот лидер го погледнал прстенот, си го ставил в џеб и си заминал, придружуван од тројца агенти на КГБ.

Приказната за „украдениот“ прстен дојде и до Белата куќа. Таму, сепак, немаат сочувство за поплаките на Крафт. Оттаму му се јавиле на бизнисменот и побарале „да се однесува дипломатски“. „Доколку би сакале да му го подарите тој прстен (на Путин), тоа навистина би одговарало на интересите на американско-советските односи“, така, според Крафт, му било кажано во телефонскиот разговор.

„Но, јас не сакам да го подарам. Без емотивно приврзан за тој прстен. На него е изгравирано моето име. Не би сакал да го видам на „И-Беј“ (eBay)“, протестира Крафт.

Крафт е дури и подготвен специјално да направи копија на прстенот со името на рускиот претседател за да го замени за прстенот кој го изгубил пред 12 години. „Јас сум подготвен да се направи уште еден прстен и да го изгравирам неговото име (на Путин)“, изјави сопственикот на клубот. „Можеби ќе можеме да го наговориме новиот претседател да му го однесе прстенот кога ќе се сретнат“, пренесува РТ на руски.

При користење на материјалите на Russia Beyond задолжителен е хиперлинк до изворот од кој е преземен материјалот.