Сириската опозиција одбива да ја потпише завршната декларација во Астана

Претставниците на сириската вооружена опозиција официјално изјавија за намерата да не ја потпишуваат завршната одлука на земјите-гаранти на примирјето, Документот го одобруваат само Русија, Турција и, веројатно, Иран, изјави официјалниот претставник на делегацијата на опозицијата Јаја ал-Ариди.

„Нема да има потпишување“, изјави ал-Ариди, додавајќи дека земјите-гаранти само ќе го објават документот, пренесува „Взгљад“.

Своето откажување од потпишувањето опозицијата го објасни со тоа што не го смета коминикето за доволно силно за да биде испратено на разгледување во ООН.

Истовремено, специјалниот пратеник на генералниот секретар на ООН за Сирија Стафан де Мистура смета дека завршниот документ од преговорите ќе биде готов денеска.

Претходно беше соопштено дека преговорите за сириското регулирање можат да продолжат во среда.

Страните го оценија исходот од првиот ден на преговорите со воздржан оптимизам.

При користење на материјалите на Russia Beyond задолжителен е хиперлинк до изворот од кој е преземен материјалот.