ФСБ: Годинава спречени 42 терористички напади во Русија

Директорот на ФСБ Русија Александар Бортников на заедничкиот состанок на Националниот антитерористички комитет и Федералниот оперативен штаб изјави дека годинава во контратерористички операции се ликвидирани 129 милитанти, од кои 22 лидери на илегални групации.

Шефот на ФСБ Бортников како пример посочи дека е ликвидиран водачот на таканаречениот „Вилает Кавказ“, во целост е ликвидирана раководната група на терористичките групи на територијата на Кабардино-Балкарија.

Бортников исто така истакна дека се спречени и 42 терористички акти.

„Во тековната година во Москва, Санкт Петербург, Екатеринбург и Нижни Новгород од страна на органите на редот и мирот и безбедносните структури се пресечени неколку обиди за извршување терористички напади врз објекти за транспорт и на места на масовна концентрација на луѓе, планирани од страна на лица со потекло од соседните земји“, изјави Бортников, пренесува „Росијскаја газета“.

Според него, годинава се „блокирани сметки на повеќе од 2 илјади лица против кои се имаа веродостојни докази за нивно учество во тероризам, вклучително и во негово финансирање“.

Исто така, специјалните служби на Русија преземале мерки против излегување на државјани на Русија во странство кои планирале да стапат во редовите на меѓународни терористички организации.

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња