Путин за Трамп: има разлика меѓу предизборна реторика и политика

Претседателот на Русија Владимир Путин, говорејќи за победата на републиканецот Доналд Трамп на изборите во САД, изјави дека меѓу предизборната реторика и вистинската политика има голема разлика.

Америка на Трамп се среќава со Русија на Путин

„Не“, одговори Путин на прашањето дали пречи, според него, изборот на Трамп на развојот на трговијата во земјите на АПЕС.

„Се разбира, постојат такви прашања. И тие прашања си ги поставуваат колегите, всушност, тоа е очигледно. Но, не треба да се има страв, сѐ на еден или друг начин ќе си дојде на место“, изјави шефот на руската држава, пренесува РИА „Новости“.

„Ние сите сме свесни, сите знаат дека меѓу предизборната реторика и реалполитиката има голема разлика речиси секогаш во сите земји. Во однос на изјавите на г-дин Трамп дека би сакал да ги врати во САД компаниите и со самото тоа да обезбеди работни места во својата земја... Што има лошо во тоа?“, заклучи претседателот Путин.

Сите права ги задржува „Росијскаја Газета“.