Бајден ја осуди Русија за ратификацијата на воениот договор со Абхазија

Потпретседателот на САД Џо Бајден ја осуди Русија за ратификација на договорот со Абхазија за здружена воена групација и го увери премиерот на Грузија Георги Квирикашвили за поддршката од Вашингтон, соопшти Белата куќа по телефонскиот разговор меѓу двајцата политичари.

Според прес-службата на Белата куќа, Бајден „ја потенцираше поддршката од САД на суверенитетот и територијалниот интегритет на Грузија во рамките на нејзините меѓународно признати граници и ја осуди Русија за ратификацијата на договорот со Абхазија за здружена воена групација“, пренесува РИА „Новости“.

Државната дума на РФ во средата го донесе Законот за ратификација на договорот меѓу Русија и Абхазија за здружена воена групација.

Договорот беше потпишан во Москва на 21 ноември 2015 година. Документот ги дефинира мисијата, формирањето, распоредувањето и користењето на здружената воена групација на ВС Русија и ВС Абхазија.

 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња