Лавров кажа како „Турски тек“ може да стигне до Европа

Министерот за надворешни работи на Русија ги наведе условите под кои „Турски тек“ ќе може да испорачува гас во Европа.

Русија е подготвена да продолжи крак на гасоводот „Турски тек“ до Европа откако ќе добие од ЕУ гаранции за реализација на овој проект, изјави на средбата со членовите на здружението на европскиот бизнис во Москва шефот на руската дипломатија Сергеј Лавров.

„Русија и Турција потпишаа меѓувладин договор за „Турски тек“ кој предвидува и изградба на еден крак на гасоводот, засега само еден крак, до Европа, на пример, до Грција“, изјави Лавров, пренесува РИА „Новости“.

Министерот за надворешни работи на Русија додаде дека „по неуспехот со „Јужен тек“ ние ќе бидеме подготвени да го продолжиме тој крак на територијата на ЕУ единствено по добивање на недвосмислени, официјални, на хартија, гаранции за реализација на овој проект“.

 

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња