Киев: „Турски тек“ спротивен на интересите на Европа

Министерот за надворешни работи на Украина Павло Климкин смета дека обновувањето на контактите меѓу Русија и Турција нема да ги влоши украинско-турските односи, меѓутоа смета и дека обновата на проектот „Турски тек“ им пречи на интересите не само на украинската држава, туку и на цела Европа.

Јужен или Турски тек – што е поисплатливо?

„Економската соработка меѓу Турција и Русија во многу сфери ќе биде обновеа. И, во крајна мера, еден проект, за кој се дискутира во моментов, им противречи на интересите не само на Украина, туку и на Европа. Тоа е „Турскиот тек“, изјави Климкин во интервју за „Интерфакс“.

Шефот на украинската дипломатија истакна дека Украина по спогодбата за асоцијација со ЕУ ги презема на себе европските правила и условите во рамките на енергетската унија, а од своја страна Русија се стреми „да ја одмине Украина и да создаде нов гасен хаб на територијата на Турција кој нема да потпаѓа под европските правила“.

Освен тоа, според зборовите на Климкин, контактот меѓу Турција и  Русија дефинитивно нема да доведе до влошување на украинско-турските односи.

Сите права ги задржува „Росијскаја Газета“.