Лавров и Кери разговараа за борбата со тероризмот и ситуацијата во Сирија

Министерот за надворешни работи на Русија и Сергеј Лавров и државниот секретар на САД Џон Кери разговараа за борбата со тероризмот. Разговорите се одржаа на маргините на министерската средба на АСЕАН што се одржува во Лаос, пренесува РИА „Новости“.

По завршувањето на разговорите Лавров истакна дека САД сѐ уште не можат да ги дефинираат критериумите за раздвојување на сириската опозиција и терористите.

„Досега се соочувавме со ситуација кога американските партнери буквално од почетокот на годината нѐ уверуваа дека можат да ја разграничат опозицијата со која соработуваат од терористичките структури, но досега тоа не им успеа“, изјави шефот на руското МНР.

u041cu043eu0441u043au0432u0430 u0438 u0412u0430u0448u0438u043du0433u0442u043eu043d u043fu043eu0447u043du0443u0432u0430u0430u0442 u0437u0430u0435u0434u043du0438u0447u043au0430 u0430u043au0446u0438u0458u0430 u0432u043e u0421u0438u0440u0438u0458u0430

Според Лавров, во Сирија често настануваат ситуации кога на териториите под контрола на терористите остануваат „таканаречените умерени опозиционери“ кои сакаат „да учествуваат во режимот на прекин на борбените дејствија и да го обезбедат тој режим без каква било штета за сузбивањето на ИДИЛ и „Џебхат ан–Нусра“.

Министерот исто така изјави дека меѓусириските преговори во Женева треба да се обноват што е можно поскоро.

Според него, Дамаск е подготвен да работи со опозицијата, меѓутоа Врховниот комитет за преговори засега зазема неконструктивна позиција.

Притоа барањата на Врховниот комитет за преговори за оставка на претседателот на Сирија Башар Асад министерот Лавров ги нарече „апсолутно безизлезна позиција“.

Сите права ги задржува „Росијскаја Газета“.