Дамаск: Сириската војска со руска поддршка успешно напредува кон Рака

Сириската војска со поддршка на Русија успешно напредува кон таканаречената престолнина на „Исламската држава“ во Рака, повеќето терористи се веќе ликвидирани, изјави сирискиот амбасадор во Русија Ријад Хадад.

„Сириската армија напредува кон Рака. Во моментов се наоѓа на околу 20 километри од градот Атика. Сето ова се случува со поддршка на Руската Федерација. Што се однесува до терористичките сили, тие ги напуштат своите позиции. Особено претставниците на „Џебхат ан-Нусра“ и ИД, кои главно ги ликвидиравме“, изјави Хадад, а пренесува „Взгљад”.

Амбасадорот исто така соопшти дека во најскоро сириската армија ќе започне да напредува кон Алепо.

u0420u0443u0441u0438u0458u0430 u043fu0440u043eu0434u043eu043bu0436u0443u0432u0430 u0434u0430 u0441u0435 u0431u043eu0440u0438 u0441u043e u0442u0435u0440u043eu0440u0438u0441u0442u0438u0442u0435 u0432u043e u0421u0438u0440u0438u0458u0430

„Благодарение на поддршката на руската авијација, градот ќе се ослободи од терористите“, рече амбасадорот на Сирија во Русија.

„Во Алепо ќе дојде до решавачката битка и победата во неа ќе го означи поразот на  сите терористички формации“, смета амбасадорот.

Сирискиот дипломат објасни дека генералите на сириската армија кои се борат на теренот не соопштуваат ништо за воените планови. Сепак, според Хадад, „во најскоро време ќе биде претставен план за ослободување на Алепо“.

Пентагон објави вчера дека регистрира движење на сириската армија кон Рака. Претставник на Стејт департментот на САД изјави дека влегувањето на владините сили во Рака ќе биде само малку подобро нешто од присуството на терористите на ИД во градот.

Сите права ги задржува „Росијскаја Газета“.