МНР Полска: Русија создаде опасна ситуација во Европа

„Бидејќи ние (Полска) сме „гранична“ држава на НАТО, принудени сме внимателно да ја следиме политиката на Русија и нејзината воена активност која резултираше со создавање на многу опасна ситуација во Централна и Источна Европа“, изјави Вашчиковски, пренесува „Взгљад“.

Во врска со тоа, потенцираше тој, Полска како организатор на претстојниот самит на НАТО во јули сака неговите решенија да придонесат за зголемување на безбедноста на сите членки на Алијансата.

Според полскиот министер, Русија со нејзините неодамнешни дејства наводно го „минирала“ целиот систем на европската безбедносна архитектура.

u041du0410u0422u041e u0458u0430 u043fu0440u0435u0434u043bu0430u0433u0430 u0437u0430u0431u043eu0440u0430u0432u0435u043du0430u0442u0430 u0438u0434u0435u0458u0430 u043du0430 u041cu0435u0434u0432u0435u0434u0435u0432

Според него, армијата за Русија наводно станала главен инструмент на надворешната политика, а Калининградската област, рече министерот, е најмилитаризираната област во цела Европа.

„Врз основа на искуството на руската употреба на воена сила во Грузија, Украина и Сирија, можеме да очекуваме дека Москва и понатаму ќе продолжи сѐ повеќе да се потпира на воени средства. Убеден сум дека слабата реакција на Западот ќе ја охрабри Русија да продолжи со таквата политика. Русија и понатаму ќе ги тестира единството, посветеноста и одлучноста на НАТО“, рече министерот за надворешни работи на Полска.

Според Вашчиковски, мора да се откажат од верувањето дека меѓународните проблеми може да се решат во соработка со Русија, потребно е враќање на стратешкото и геополитичкото размислување, на традиционалните методи за обезбедување на безбедноста на територијата земјите-членки на Алијансата со помош на воено присуство.

„На Русија не ѝ се допаѓа ниту сегашните, ниту пак оние што се градат, ниту планираните бази (на НАТО), затоа што таа сака Централна и Источна Европа, односно делот кој влезе во состав на Алијансата по 1999 година, да остане регион со ниско ниво на безбедност. За да може со него, без распоредувањето на силите на НАТО и (соодветни) системи за одбрана, да игра различни политички игри. Военото присуство на Американците, а во блиска иднина и на силите на НАТО, макар и во форма на мали бригади и баталјони, ќе ги елиминира овие руските амбиции“,  рече шефот на полската дипломатија.

Сите права ги задржува „Росијскаја Газета“.