Давутоглу: Русија и Турција си се потребни една на друга

Премиерот на Турција Ахмет Давутоглу изјави дека Русија и Турција, без оглед на соборувањето на рускиот Су-24 во Сирија, остануваат две важни земји во регионот и имаат потреба една од друга, пренесува РИА „Новости“.

u041eu0447u0435u043au0443u0432u0430u043cu0435 u043eu0444u0438u0446u0438u0458u0430u043bu043du043e u0438u0437u0432u0438u043du0443u0432u0430u045au0435 u043eu0434 u0442u0443u0440u0441u043au0430u0442u0430 u0441u0442u0440u0430u043du0430

„Нашата линија на однесување останува како и претходно. Русија и Турција секогаш биле соседи. Денеска ние исто така остануваме две важни земји во регионот. Имаме потреба една од друга. Инцидентот со авионот не беше постапка насочена против Русија“, изјави премиерот во интервју за телевизијата „Ал Џазеира Турк“, изразувајќи надеж за враќање на добрите односи меѓу земјите.

На прашањето дали е можно сценарио според кое Турција ќе се заложи против влегувањето на турска војска во Сирија и ќе почне да ги бомбардира турските вооружени сили од воздух, Давутоглу одговори одречно.

„Тоа е погрешно сценарио. Таа земја не е руска. Русија е постојана членка на ООН. Одлуките на ООН во врска со борбата со ИД се познати. Овде станува збор за закана за нашата национална безбедност. Ние со ниедна земја не сакаме да стапиме во конфликт, вклучувајќи ја и Русија. Порано имавме добри односи, сакаме да бидат добри и во иднина. Кога работата се однесува на националната безбедност, ќе ги преземеме сите неопходни мерки за нејзино обезбедување. Тука Русија не се судира со закана што доаѓа од ИД, ами Турција“, додаде турскиот премиер.

Сите права ги задржува „Росијскаја Газета“.