ЕУ сака да соработува со Русија на Арктикот

ЕУ ја гледа Русија како учесник во примерот за конструктивна меѓународна соработка, изјави во средата во Брисел шефицата на европската дипломатија Федерика Могерини, пренесува „Интерфакс“.

u041du043eu0432u0430u0442u0430 u043cu043eu0440u0441u043au0430 u0434u043eu043au0442u0440u0438u043du0430 u043du0430 u0420u0443u0441u0438u0458u0430: u041eu0434 u0410u0440u043au0442u0438u043a u0434u043e u0410u043du0442u0430u0440u043au0442u0438u043a

„Го истакнав факот дека Арктикот е пример за регионална и меѓународна конструктивна соработка. Ние сме заинтересирани за соработка и сакаме нејзино продолжение. Тоа подразбира и соработка со Русија и другите фактори кои се заинтересирани за Арктикот, меѓу кои е и Кина“, рече Могерини на конференцијата за медиумите. 

Таа потсети дека „минатиот месец се одржаа продлабочени дискусии со министрите за надворешни работи (на ЕУ) по повод односите со Русија, и еден од принципите, за кои ние се договоривме во рамките на 28 држави е принципот на селективни односи во областите во кои постои очигледен европски интерес“.

„Арктикот не само што претставува огромен потенцијал, туку и огромен предизвик за кој треба да дискутираме заедно и на кој треба да одговориме заедно, затоа што тоа е заеднички простор. Досега соработката беше можна и ние сакаме таа да трае“, потенцира Могерини.

Сите права ги задржува „Росијскаја Газета“.