Новиот претседател на Врховната рада сака визен режим за руските граѓани

Првиот работен ден на новата должност претседателот на украинскиот парламент Андреј Парубиј изјави дека неговиот став кој претходно го изнесувал како шеф на Службата за национална безбедност и одбрана не се променил. Тој не ја отфрли ни можноста за прекин на дипломатските односи со Москва.

Претседателот на Врховната рада се залага за воведување визи за руските граѓани, соопштува порталот http://www.segodnya.ua/

„Како секретар на СНБО (Парубиј беше секретар на Советот за национална безбедност и одбрана на Украина од февруари до август 2014 година) се залагав за воведување визен режим со Руската Федерација. Мојот став остана ист, сметам дека тоа е патот по кој треба да се оди“, изјави Парубиј.

Украинскиот политичар рече дека прашањето за прекин на дипломатските односи со Русија би можело да биде разгледано по консултациите со стручњаците и дипломатите. Парубиј на местото претседател на Врховната рада дојде во четвртокот.

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња