Пушков: Русија не се вклопува во глобалниот либерален проект

„Сега Западот ја избра логиката на конфронтација. Треба да се каже дека оваа логика е во спротивност со објективните потреби на Европа и САД, но одговара на субјективните интереси на владејачката западна елита која сака да ја задржи хегемонијата на западната алијанса во меѓународните односи и да го прошири тнр. глобален либерален проект“,  изјави Пушков во Државната дума во текот на расправата на тема „Русија-Запад: што ќе превладее – логиката на конфронтација или логика та на соработка?”

„Со оглед на тоа дека Русија не се вклопува во глобалниот либерален проект и не е подготвена да ја прифати хегемонијата на западната алијанса, таа е избрана за предмет на конфронтација со Западот“, додаде пратеникот.

u041au0435u0440u0438 u0432u043e u041cu043eu0441u043au0432u0430: u0410u043cu0435u0440u0438u043au0430 u043fu043eu0447u043du0443u0432u0430 u0434u0430 u0458u0430 u0440u0430u0437u0431u0438u0440u0430 u0420u0443u0441u0438u0458u0430

Според зборовите на Пушков, сепак постојат претпоставки за реализација на соработка. „Во прилог на тоа одат објективните потреби како на Западот, така и на нашата земја. На пример, тоа е борбата против тероризмот, што е сосем очигледно. Тоа исто така е неширењето на нуклеарното оружје, ништо помалку очигледна задача е и стабилизацијата на Блискиот и Средниот Исток. Западот во значителна мера ги уништи. Сега треба да се стабилизираат. Постои и заеднички интерес во економската соработка“, изјави Пушков.

Но, изјави пратеникот, западните лидери сѐ уште не ја сфаќаат логиката на соработката. „Тие своите цели сакаат да ги постигнат со логиката на конфронтација сега преминаа на режим на долготрајна политичка и економска опсада на Русија. Обиди за политичка изолација, обиди за економска изолација, продолжување на санкциите“, истакна Пушков, пренесува РИА „Новости”. 

Според неговото мислење, ситуацијата би можела да се промени по смената на западните лидери и по јакнењето на оние кругови во западната елита кои се свесни за потребата од соработка. Пушков уште еднаш истакна дека Русија се залага за соработка врз рамноправна основа, за почитување на заемните интереси, а не врз основа на наметнување врз една страна на приоритетите на друга.

Сите права ги задржува „Росијскаја Газета“.