Оланд не исклучува можност од војна меѓу Русија и Турција

Претседателот на Франција Франсоа Оланд смета дека постои ризик од војна меѓу Русија и Турција поради дејствијата на Анкара во Сирија, пренесува „Интерфакс“.  

„Турција е вмешана во Сирија. Таму постои ризик од војна со Русија, токму затоа Советот за безбедност на ООН се состанува вечерва“, рече Оланд во програмата на француското радио „Франс-ентер“.

Тој потенцираше дека е потребно да се направи сѐ што е можно „за да се избегне ескалација“.

Според неговите зборови, Русија треба да остане дел од решението на сирискиот конфликт.

„Не би сакал Русија да биде исклучена од решението. Самиот патував во Москва за да му кажам на претседателот на Русија Владимир Путин дека сите ние треба заедно да работиме заради постигнување политичка транзиција“, изјави Оланд.

Сите права ги задржува „Росијскаја Газета“.