Давутоглу ја обвини Русија за „империјализам”

Сириските земји не се и нема да бидат дел од руските империјалистички цели, изјави турскиот премиер Ахмет Давутоглу.

Премиерот на Турција Ахмет Давутоглу изјави дека сириската територија нема да биде дел од „империјалистичките цели“ на Русија.

„Сириските земји не се и нема да бидат дел од руските империјалистички цели“, изјави Давутоглу во турскиот парламент, пренесува „Взгљад”.

Вчера министерот за надворешни работи на Турција Мевлут Чавушоглу изјави дека во воздушните напади на руските Воздушно-космички сили врз сирискиот град Идлиб во неделата, 20 декември, загинале околу 200 цивили, но за тоа не наведе никакви докази.

Портпаролот на МНР РФ Марија Захарова претходно изјави дека по почетокот на руските воздушни операции во Сирија во медиумите почнала моќна антируска кампања. 

Сите права ги задржува „Росијскаја Газета“.