Западни медиуми: Москва се подготвува за долга економска „војна“ со Западот
Русија се подготвува за долга економска „војна“ против Западот, пишува весникот The Telegraph. Како што се пренесува, Москва очекува антируските санкции да бидат укинати не порано од 2017 година, и признава дека одливот на капитал од земјата е поголем од првоначалните предвидувања.
ЦБР објави дека прогнозата за одливот на капитал од земјата годинава е зголемена од 90 на 128 милијарди долари. Исто така, ЦБР прогнозира дека растот на руската економија во 2017 година ќе изнесува 3% при благопријатни геополитички и финансиски услови. Дури и во случај на негативно сценарио, економски раст, сепак, ќе има.
Освен тоа, британскиот весник го насочува вниманието на курсот на рубљата, додавајќи дека „рубљата сѐ уште е во опасност“. Банката на Русија веќе ја „пушти“ рубљата, и таа веќе има „пливачки курс“.
Русија останува во „епицентарот на бурата“, бидејќи санкциите продолжуваат да вршат големо влијание, а падот на цените на нафтата ја менува економската слика, се кажува во статијата.
Сите права ги задржува „Росијскаја Газета“.