Италијанскиот регион Венето планира да поднесе жалба за европските санкции против Русија за да ги заштити интересите на италијанските компании. Ова во саботата го изјави гувернерот на Венето, Лука Цаја, а пренесува ИТАР-ТАСС.
„Венето ќе преземе мерки и ќе поднесе жалба за трговското ембарго воведено против Русија како одговор за случувањата во Украина. Во нашата област работат 160.000 земјоделски претпријатија со вкупен промет од 6 милијарди евра годишно. Ние сме втор италијански регион според обемот на земјоделско производство и заслужуваме да имаме перспективен пазар како што е Русија“, изјави Цаја.
Тој прецизираше дека за неколку дена регионалната администрација ќе одреди конкретни мерки. „Воведувањето санкции, кое Европа го наметна на Италија, нанесува штета на целиот земјоделски сектор, и поради тоа сакаме да излеземе од тој круг“, заклучи Цаја.
Сите права ги задржува „Росијскаја Газета“.
Претплатете се
на нашиот билтен!
Добивајте ги најдобрите стории на неделата директно во вашето сандаче