Медведев: државниот буџет за 2015 година треба да ги вкалкулира санкциите

Премиерот на Русија, Дмитриј Медведев за време на состанокот посветен на основните параметри и прогнози за социјално-економскиот развој на Русија за 2015 година изјави дека буџетот за следната година треба да биде максимално реалистичен и да ги земе предвид санкциите, пренесува кореспондент на „Газета.ру“.

Според неговите зборови, приоритетните правци на буџетот не се менуваат. Социјалните обврски ќе бидат во целост исполнети, исто како и сите нарачки во одбранбената сфера.

„Нашата цел се состои во тоа да подготвиме што е можно пореален буџет, во кој ќе бидат земени предвид сите услови на кои сега сме сведоци ние и нашата економија. Станува збор за санкциите кои се воведени против Русија, ограничениот пристап кон пазарите на капитал, новите технологии и цела низа компании со кои не можеме повеќе да соработуваме“, додаде премиерот. 

Сите права ги задржува „Росијскаја Газета“.