Русија ѝ предаде на Украина ранети украински војници

Петмина ранети украински војници, кои беа лекувани во Русија, се предадени на украинската страна на аеродромот во Ростов на Дон, од каде со авион Ан-26 полетаа кон украинскиот град Николаев.

„Руската страна создаде транзитен коридор за украинскиот авион. Петмината војници, кои беа лекувани во болниците во Ростовската област, се префрлени на аеродромот со тим лекари и се качија во авионот“, изјави за ИТАР-ТАСС претставникот на пограничната служба на ФСБ на РФ.

Четворица војници се во тешка, но стабилна состојба. Лекарите изјавија дека петтиот војник има полесни повреди.

Ова е втор авион кој превезува украински ранети војници од аеродромот во Ростов на Дон. Првион однесе 18 лица кои се лекуваа во Русија. 

Сите права ги задржува „Росијскаја Газета“.