Дефицитот на федералниот буџет во Русија во 2013 година ќе изнесува 0,5% од БДП. Ова го изјави претседателот Владимир Путин.
„Годинава ќе имаме дефицит на буџетот во големина од 0,5% од БДП, а во минатата година имавме 0% дефицит“, изјави претседателот. Оваа стабилност ѝ дава шанси на Русија да го задржи потребното и очекувано ниво на резерви, додавајќи дополнителни средства од високата цена на нафтата.
Создавањето на вакви резерви дозволува да се одржува стабилната социјална политика и да се извршуваат обврските кои се преземени од Владата и Претседателот.
„Во Европа има друга ситуација: тие се принудени, особено во проблематичните држави, нагло да ги намалуваат социјалните трошоци и програми, додека ние можеме да си дозволиме поудобно да го планираме тој сектор, па дури и да користиме средства за развој“, додаде Путин.
Сите права ги задржува „Росијскаја Газета“.
Претплатете се
на нашиот билтен!
Добивајте ги најдобрите стории на неделата директно во вашето сандаче