„Таврида” од птичја перспектива: како се одвива изградбата на автопатот од Кримскиот мост

Градежна управа на компанијата ВАД
Во моментов на новиот автопат во близина на станбените населби се поставуваат панели за заштита од бучава, се подигнуваат мостови и надземни пешачки премини.

Завршени се 85% од федералниот автопат „Таврида“ од Керч до Севастопол, соопшти прес-секретарот на изведувачот на работите, кримската градежна управа на компанијата ВАД Григориј Назаров. Според него, градежно-монтажните работи во моментов се во тек на седум делници на автопатот од Керч до Севастопол.

„Во рамките на првата фаза интензивно се работеше на делниците од Керч до Симферопол и затоа сега е акцентот на петтата и шестата етапа на автопатот, а тоа се обиколницата околу Симферопол и Бахчисарајскиот реон“, рече Назаров.

Во моментов се поставуваат панели за заштита од бучава во близина на станбените населби, се подигнуваат мостови и надземни пешачки премини. На петтата и шестата етапа на патот опфаќаат поставување на насипи и чакална база за излевање на асфалт.

На седмата етапа од патот се поставуваат рабници, одводи за вода, се градат скали на надвозниците, соопшти инфо-центарот „Кримски мост“.

Се очекува дека напролет ќе почне поставувањето на третиот слој на асфалтот. До есента 2020 година ќе биде поставен на сите 250 километри од автопатот.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња