Која воена техника ќе продефилира низ Москва на 9 мај на Денот на Победата

Наука и технологија
RUSSIA BEYOND - МАКЕДОНИЈА
Русија планира да ги претстави своите новитети во воениот арсенал, како што се „Тајфун“ и ракетните системи ТОС.

Преку 12500 луѓе во придружба на 190 единици воена техника ќе поминат на 9 мај по улиците во центарот на Москва и Црвениот плоштад. Русија ја одбележува 76-та годишнина од завршувањето на Големата татковинска војна.

Копнени сили

Оваа година низ градот ќе продефилираат и над него ќе прелетаат 35 видови борбени машини. Парадата ја отвора легендарниот Т-34 кој направи пресврт во Втората светска војна. Овие ретро тенкови, целосно исправни, можете да ги видите (па дури и да се повозите во еден од нив) во паркот „Патриот“ во Подмосковје, што границите бидат повторно отворени.

Веднаш по нив присутните на московските улици ќе ја видат најновата техника што ја доби армијата, на пример, оклопните транспортери „Бумеранг“ и оклопните борбени возила „Тајфун“.

Овие челични аждери ќе ги следат лесно оклопни борбени возила на пешадијата БМП-2 и БМП-3.

Потоа ќе настапат најмоќните руски интерконтинентални балистички ракетни комплекси „Јарс“.

Се претпоставуваше дека на Парадата во 2021 година Русија ќе може да го претстави системот С-500 „Прометеј“ (овде дознајте сé што треба да знаете за овие чудовишта) но се покажа дека гласовите се вистините – претставувањето на овие системи се одложува за следната година.

И овој пат, како и пред многу години, на улиците ќе се појават противракетни воздухопловни системи С-400 и ракетни системи „Искандер-М“ и ТОС-1 наместо С-500.

Воздухопловни сили

Специфика на воздухопловниот дел на парадата годинава ќе биде летот на стратешки ракетоносец Ту-160 во придружба на авиони Су-35С од Центарот за демонстрација на воздухопловна техника.

Воздушниот дел на парадата годинава ќе го отворат три тешки транспортни хеликоптери Ми-26. Тие исто така настапуваат првпат. По нив ќе летаат транспортно-борбени хеликоптери Ми-8, јуришни хеликоптери Ми-35, Ка-52 и пилотската група „Беркут“ со хеликоптери Ми-28Н.

Во летот над Москва ќе учествуваат и стратешки ракетоносци Ту-160 и Ту-95МС, авио-танкери Ил-78, военотранспортни авиони Ил-76, ловци Су-35С, бомбардери Су-34, Су-24М и други авиони.

Парадата ќе биде завршена со лет на авиони МиГ-31К и Су-57 и три групи авиони од Центарот за воздухопловна и оперативна развојна обука во Липецк, како и на групите за акробатски летови „Руски витези“ и „Стрижи“.