Крави во Подмосковјето пасат на виртуелно летно поле (ФОТО)

Global Look Press
Се чини дека иднината дојде: на фарма во Подмосковје е тестиран прототип на очила за виртуелна реалност за крави. Животните изгледаат тотално футуристички!

Се верува дека очилата ќе ги опуштат кравите и им ќе помогнат да се чувствуваат посреќни. Бидејќи се дојде до заклучок дека атмосферата на смиреност доведува до зголемување на приносот на млеко, на животните им се прикажува летно поле, сметаат во Министерството за земјоделство на Московската област.

Првите тестирања на очилата за виртуелна реалност регистрираа намалување на напнатоста и „зголемување на општото емоционално расположение на стадото“. При дизајнирање на очилата се водеше сметка за градбата на главата на кравата и спецификите на видот на добитокот. Во проектот учествуваа ветеринари.

Покрај задоволувањето на физичките потреби, истражувачите во последно време посветуваат сѐ поголемо внимание на емоционалната состојба на животните. Искуствата од фармите за млеко од различни земји во светот покажаа дека во атмосфера на смиреност количината, а често и квалитетот на млекото, значително се зголемуваат. Така, американските фармери во шталите инсталираат автоматски четки за масажа. Во Европа се користат роботизирани системи за обезбедување на максимално слободно движење на добитокот на фармата. Некои производители во Подмосковјето инсталираа во шталите аудио опрема за емитување класична музичка која создава впечаток на опуштеност и со тоа има позитивно влијае на приносите на млеко.

Така и стручњаците во едно од најголемите стопанства во Подмосковјето, заедно со експерти за ИТ, занимавајќи се со аспектите на влијанието на виртуелната реалност врз добитокот, решија да спроведат експеримент и развија макета на адаптирани човечки очила за VR.

Прочитајте повеќе: Зошто руските научници прават „робопчели“?

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња