Агенцијата на рускиот Далечен Исток за привлекување инвестиции и поддршка на извозот и две кинески компании потпишаа спогодба за изградба на брза железничка пруга Владивосток – Муданѓанг. Ова го соопшти администрацијата на Приморје.
Се претпоставува дека брзината на пругата ќе изнесува 250 километри на час.
„Предложениот проект за брза железничка пруга подразбира изградба на 12 нови железнички станици и 380 километри пруга“, се наведува во соопштението.
Должината на мостовите и тунелите на оваа пруга ќе изнесува 70% од нејзината вкупна должина.