„Руски железници“: Сите возови префрлени на обиколницата околу Украина

Алексеј Гингазов/Russian Look/Global Look Press
„Руски железници“ ги префрлија сите возови на далечни релации на новата железничка обиколница околу Украина, пренесуваат руските медиуми.

Операцијата траеше 24 часа, а возовите од денес почнаа да сообраќаат исклучително на руска територија.

Изградбата на електрифицираната железничка пруга со два колосека со која се заобиколува Украина почна во 2014 година. Вкупната вредност на проектот изнесуваше околу 55 милијарди рубли. Градежно-монтажните работи на таа делница беа завршени на почетокот на август, по што почна тестирањето на одделни делници на новиот крак. Во ноември по обиколницата тргнаа патничките возови.

Железничката магистрала Журавка-Милерово долга 137 километри минува низ Воронешката и Ростовската област, каде се изградени седум станици. Предвидената максимална брзина на патничките возови е 140  километри на час, а на товарните 90. Линијата е биде дел од брзата железничка пруга која ја поврзува Централна Русија со брегот на Црното море.

Во „Руски железници“ сметаат дека новата пруга ќе го зголеми капацитетот на инфраструктурата и ќе ја осигури безбедноста на товарниот и патнички сообраќај.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња