Микробрановите радари гледаат низ ѕидовите

Еден „Холограф“ ќе го чини Министерството за одбрана 1.2 милиони рубли. Извор: ИТАР-ТАСС.

Еден „Холограф“ ќе го чини Министерството за одбрана 1.2 милиони рубли. Извор: ИТАР-ТАСС.

Преносниот радар „Холограф“ кој низ ѕидовите забележува луѓе и животни, во текот на следната година ќе пристигне на тестирање во специјалните единици на Вооружените сили на РФ. Ова е проект на Централниот научно-истражувачки институт (ЦНИИ) за хемија и за механика и е наменет за користење во антитерористичките операции, со што треба да помогне при брзата координација на дејствата во одредот и при безбедното спасување заложници.

„Холограф„ работи со помош на ултракратки радиоимпулси на фреквенција од 1 до 4 kHz, на тој начин што ги пропушта низ кој било материјал  и детектира движење на оддалеченост од 6.5 метри, примајќи го сигналот што се одбива. Уредот има мали димензии, тежок е 4.5 килограми, може да издржи пад на бетон од висина од еден метар и да се експлоатира на температура од -20 до +50 степени Целзиусови.

„Холограф“ има можност да распознае движење низ тули, бетон, дрво, гипс, глина, сува земја и малтер. Според зборовите на претставник на конструкторот, во секој посебен случај радарот има различни можности, но главниот услов е материјалот да не содржи вода.

Според тврдењето на проектантот, радарот е мошне лесен за ракување: секој човек за 15 минути може да научи како се ракува со „Холограф“. Освен тоа, предвидена е можност за работа со една рака.

„Постојат многу малку нагодувања, односно речиси и да ги нема – има тастер за вклучување и прилично достапна индикација“, изјавува претставникот на ЦНИИ за хемија и за механика.

Според зборовите на еден човек кој служи во единиците за специјални намени на Главната разузнавачка управа (ГРУ), а кој учествувал во борбените дејствија во Чеченија, примената на ваквата техника би можела да спаси многу животи, како на цивилното население, така и на борците од единиците за специјални намени.

Постојат многу малку нагодувања, односно речиси и да ги нема – има тастер за вклучување и прилично достапна индикација.

Претставник на ЦНИИ за хемија и за механика

„Ова би било мошне добра потпора за неплански, бесшумен напад. Овој уред во прв ред им е потребен на антитерористичките единици, чија цел е да им ги спаси животите на заложниците, како што е на пример групата „Алфа“. Поинаку е кога постојат некои материјали или објекти кои не смеат да бидат оштетени. Тоа е на пример внатрешноста на авион каде мора да се дејствува гради в гради, со тоа што претходно јасно би се определиле целите, да се види кој каде се наоѓа и каде е можно да се реагира неочекувано, да се нападне непријателот – тоа е 50% од успехот. Радарот би можел да спаси многу животи“, изјавува тој.

„Холограф“ има можност да распознае движење низ тули, бетон, дрво, гипс, глина, сува земја и малтер. Според зборовите на претставник на конструкторот, во секој посебен случај радарот има различни можности, но главниот услов е материјалот да не содржи вода.

„Сè зависи од материјалот – низ дрво тој 'гледа' на растојание од еден метар; ако станува збор за тула тогаш е половина метар, а бетонот веќе мора да биде потенок, зашто во него има железо. Покрај тоа, мошне е важно и тоа колку е влажен материјалот на ѕидот: ако е тоа неодамна изѕидана заграда, тогаш видливоста е послаба – брановите се гасат, зашто им пречи водата“, изјави соработникот на ЦНИИ за хемија и за механика.

Тестирањата на „Холограф“ во единиците за специјални намени ќе се извршуваат во текот на 2014 година, три комплета ќе добие единицата број 92154. Соопштено е дека еден „Холограф“ ќе го чини министерството за одбрана 1.2 милиони рубли.

Рускиот текст на сајтот на Известија.

Сите права ги задржува „Росијскаја Газета“.