Наводниот организатор на нападот во Санкт Петербург не ја признава вината

Претходно адвокатот на осомничениот Азимов и иследникот изјавија дека тој ја признава својата вмешаност во злосторството.

Осомничениот за терористичкиот напад во метрото во Санкт Петербург Аброр Азимов тврди дека не е директно вмешан во злосторството.

„Согласен сум со апсењето, но дека сум вмешан во експлозијата – такво нешто не сум кажал“, изјави Азимов во вторникот во Басманиот суд на Москва. „Има мое учество, но не директно“, објасни тој.

Уапсениот тврди дека добивал команди од непознато лице и не знаел дека учествува во организирање на злосторството. „Ми дадоа команда. Не бев свесен дека учествувам во подготовка на терористички напад“, изјави Азимов.

Тој додаде дека има намера подоцна да го објасни својот став. „Потоа ќе се разбереме“, изјави тој. Притоа осомничениот не е против неговото апсење.

Претходно адвокатот на уапсениот изјави за новинарите дека Азимов целосно ја признава вината. Истрагата бара судот да му одреди мерка притвор на наводниот организатор на терористичкиот напад во Санкт Петербург, пренесува „Интерфакс“.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња